侧田,红歌唔红人!因为「若谈样子,不会叫好,不算最讨好」

红尾巴79 2019-04-20 14:47:30

点击上方 ↑↑ 即可关注「金句王」



佢没有型英帅靓正嘅外表,只有平凡嘅面孔;




佢没有六尺高,只有中等嘅身材;




佢没有一帆风顺嘅星途,只有了得嘅唱功…




若谈样子,不会叫好,不算最讨好~」呢句出自《好人》嘅歌词,好可能系最适合用来形容侧田嘅其貌不扬。



不过,侧田唔会系「我唱得不够动人你别皱眉~」因为由佢演唱嘅情歌,的确十分动人!




可能大家未必知道,其实侧田系先写曲,然后先至被发掘成为歌手嘅。

佢喺2005年为古巨基写嘅《大雄》及《伤追人》,大受欢迎,其后被获邀出席古巨基《劲歌金曲演唱会》,喺清唱环节中一鸣惊人,后来加入黄柏高旗下成为歌手。




同年发行嘅专辑《Justin》,大受好评,更获得05年度叱吒乐坛及十大劲歌金曲嘅新人奖,直头系当年嘅新人王。



可惜嘅系,侧田嘅歌唱事业在此之后,并无再次登上另一个高峰,呢个或者同佢一直戴帽示人嘅形象,以及同好兄弟曹格动武等负面新闻有关。




侧田出道以来嘅代表作品,当然首推《好人》同《命硬》,由于大家对呢两首歌必定耳熟能详,在此亦不作多说。小编想分享嘅系,侧田果首《美丽之最》同《运》。



[ 侧田 - 美丽之最 ]




单以旋律及歌词而言,《美丽之最》系一首经典到不能再经典嘅情歌。其特别之处,或许就系当女生听到呢首歌时,一定会冧死。




点解?因为《美丽之最》嘅歌词,完美演绎出咩系「情人眼里中西施」──「望你不施脂粉多好看,自信坦率多可爱眼光」,即使系素颜嘅你都十分好睇;

「眼,看你半世还未够」,即使望住你半个世纪都觉得不够,要一生一世睇住你;

「喜欢你的眉头,哪怕皱起始终清秀」,即使你嬲嬲猪、皱住眉个样都特别靓!


呢啲说话,或者系好多女生希望从另一半或心仪对象果度所听到。所以,如果你唔够高富帅,唔洗灰,或者呢只歌可以帮到你,用诚意来打动对方。



[ 侧田 - 运 ]




《运》系同2015新人王坤哥吴业坤嘅《阳光点的歌》一样,同属励志歌,最适合喺失意嘅时候聆听,以治疗受到创伤嘅心灵。

歌词中果句「我相信际遇如一面镜,用笑代替哭声,霉运才能拨正」,正是全首歌嘅精髓所在。




与其日怨夜艾,成日为自己嘅时运不济而痛哭流泪,倒不如调整心态,学会「塞翁失马,焉知非福」嘅道理,以正面态度来睇果啲唔好嘅事,日后嘅际遇或者能够好似镜咁拨乱反正,行起运来。



[ 侧田 - 同步 ]



侧田曾经喺2011年告别香港乐坛,并到内地发展,之后又翻返香港再战乐坛。佢嘅新歌《同步》,系TVB啱啱播完嘅剧集《铁马战车》嘅主题曲。

呢首新歌听完有啲失望,《同步》听起身嘅感觉好似幪面超人果啲主题曲,同侧田嘅声线实在有啲格格不入,或者亦有可能系听唔惯佢咁嘅唱法啦…




既然侧田继续再战香港乐坛,咁就希望佢继续出多啲新歌,每首都能够好似「人人亲近我,无人争夺我」「二百年后再一起」「没有歌怎敢说心事」咁经典啦!





其实侧田嘅经典歌仲有好多,边啲你特别钟意?喺评论度讲下啦!





金句王

微信号:jinjuking

睇金句王,爽过去爆房!
每日发布粤港澳第一手开心嘢!
粤语 | 爆笑 | 搞嘢 | 吹水 | 抵死 | 顶瘾

欢迎搭讪 投稿都啱 合作更赞 小编微信: KingKingGuy


发表评论
用户反馈
客户端